Imazhet nga vendngjarja tregojnë momentet para dhe pas shembjes së urës Francis Scott Key në orën lokale 01:28 në Mayrland, SHBA.
Në pamjet e të dhënave të gjurmimit detar tregohet se anija e kontejnerëve Dali humbi energjinë, ndryshoi kursin e saj dhe filloi të nxirrte tym të zi përpara se të godiste urën Baltimore.
Ndërsa Dali i afrohet urës Francis Scott Key duket se humbet fuqinë për rreth 60 sekonda.
Pak më shumë se një minutë më vonë nga anija fillon të dalë tym i zi, dritat fiken për herë të dytë rreth dy minuta para se të godasë urën, e cila shembet katër sekonda më vonë.
Ndërkohë mbetjet e urës së madhe prej çeliku shihen duke dalë nga uji ndërsa afrohet agimi në Maryland.
Deri në 20 persona mendohet të jenë në lumë pas shembjes së urës në orët e para të mëngjesit.
Anija mësohet se u dëmtua nga incidenti, por nuk raportohet për të lënduar apo ndotjeje të lumit Patapsco.
Në një tjetër imazh tregohet anijen e kontejnerëve Dali nën urën e shembur. Dëme të konsiderueshme duket se janë shkaktuar në harkun e anijes.
